Lesson 5: Kaluwasan - Atong Tubag Sa Pagtawag sa Dios Kanato

Translated by: Ptr. Dendo C. Bongcawel

ATONG TUBAG SA PAGTAWAG SA DIOS KANATO:

Atong  dawaton ang gasa sa Dios pinaagi sa pagtoo

Atong madawat ang kaluwasan sa dihang mohunong kita sa pagsalig sa atong kaugalingon ug atong ibutang ang atong pagsalig sa gibuhat ni Cristo didto sa cross alang kanato.

Ang atong kaluwasan resulta kini sa grasya sa Dios. Gibase kini kon unsay gibuhat ni Jesus didto sa cross. Wala kini kalabotan kon unsay atong gibuhat ngadto kaniya. Dili kita makaluwas sa atong kaugalingon o atong makuha ang iyang pagtugot tungod sa atong mga maayong buhat. Naluwas kita pinaagi sa grasya sa Dios sa dihang atong makit-an ang atong panginahanglan ug usa ka Mangluluwas, biya gikan sala ug dawata si Jesu-Cristo nga imong Ginoo ug Mangluluwas, pinaagi sa pagbutang sa atong pagsalig diha KANIYA lamang.

            Roma 10: 9,10 …maluwas ka kon ipahayag mo nga si Jesus mao ang Ginoo, ug sa kinasingkasing motuo ka nga gibanhaw siya sa Dios. Gihimo kitang matarong sa Dios kay nagtuo man kita sa kinasingkasing gayod ug naluwas kita kay gipahayag man nato kini.

            Efeso 2:8-9 “Kay pinaagi sa pagtoo naluwas kamo tungod sa grasya sa Dios. Dili kini inyong buhat kondili gasa sa Dios. Busa walay makapasigarbo niini sanglit dili man kini bunga sa inyong mga paningkamot.

Pag-ampo alang sa Kaluwasan:

            Langitnon nga Amahan…akong giila ang atong pagkahimulag sa usa ug usa…tungod sa akong nga sala…giangkon ko nga nakasala ako…ug nawad-an sa imong Himaya…nagapasalamat ako diha kanimo nga imong gipadala ang imong bugtong anak nga si Jesus…aron sa pagbayad sa silot sa akong mga sala…ako nagatoo nga siya namatay didto sa cross alang kanako…ug ako nagatoo nga imo siyang gibanhaw gikan sa mga patay…pasayloa ako Ginoo sa akong mga sala….nagaampo ako nga imo akong pasayloon ug hinloan sa akong kasingkasing…gusto ko nga mobiya sa tanan nga gitawag sa Bibliya nga sala…ug modawat ni JESUS nga akong Ginoo, Amo, ug manluluwas…tabangi ako sa paghigugma kanimo, sa pag-aalagad, ug pagsunod kanimo hangtod sa katapusan sa akong kinabuhi….sa ngalan ni Cristo-Jesus…Amen!

Aduna ka nay usa ka bag-o nga kinabuhi:

            Kon ikaw matinud-anon sa pagbuhat niini nga pag-ampo, ang Bibliya nagasaad nga ang daan nimong pagkatawo milabay na ug ang usa ka bag-ong pagkatawo miabot na! Ug ang mosunod nga mga liksyon magpahibalo kanimo sa mga bag-ong butang mga miabot na.

Personal Application:

1.    Mihunong ka ba sa pagsalig sa imong kaugalingon ug misugod sa pagasalig ni Cristo lamang alang sa kaluwasan?

_________________________________________________________________________________________________________________________________________________________________________________________________________________________________________________

2.    Mitalikod ka ba gikan sa tanang nimong nailhan nga matang sa sala?

_________________________________________________________________________________________________________________________________________________________________________________________________________________________________________________

3.    Imong bang gisugid si Jesus nga imong Ginoo ug Master sa imong kinabuhi?

_________________________________________________________________________________________________________________________________________________________________________________________________________________________________________________

4.    Andam ka bas a pagsunod ug pagdawat sa iyang mga pagtulun-an hangtod sa kataposan sa imong kinabuhi?

___________________________________________________________________________________________________________________________________________________________________________________________________________________________________________________________________________________________________________________________________________________________________________

Lesson 4: Kaluwasan- Ang Resulta

Translated by: Ptr. Dendo C. Bongcawel

ANG RESULTA:

Ang Atong kaluwasan ug pagkasig-uli sa Dios Amahan

Si Cristo nagpakamatay didto sa crus aron atong madawat ang kapasayloan sa sala, aron mapasig-uli kita ngadto sa Dios Amahan, ug aron makabaton kita ug kinabuhing walay kataposan.

Nakasala kitang tanan batok sa balaan ug matarong nga Dios. Ang silot sa sala mao ang walay kataposang pagkahimulag gikan sa Dios didto sa empyerno. Ang Dios hustisya ug kinahanglan nga iyang silotan ang sala. Ug mahigugmaon usab siya ug dili siya gusto nga mahiadto ta sa empyerno hangtod sa kahangturan. Busa iyang gipadala ang iyang Anak, si Jesu-Cristo, aron magbayad sa silot sa sala pinaagi sa pagpakamatay didto sa crus. Tungod sa iyang walay sala nga pagkinabuhi, ang kamatayon walay gahom sa pagpugong kaniya. Nabanhaw siya gikan sa nga patay sa ikatulo ka adlaw. Sa atong pagkahiusa diha kaniya, atong matagamtaman ang kapasayloan sa atong mga sala ug atong maangkon ang kinabuhing walay kataposan. Ug diha kaniya atong nahuptan pagbalik ang matarong nga kinabuhi diha sa atubangan sa Dios Amahan ug gihatagan kita ug bag-ong kinabuhi isip iyang mga anak.

Juan 3:16 “tungod kay gihigugma pag-ayo sa Dios ang kalibutan, iyang gihatag ang iyang bugtong Anak, aron ang tanan nga motoo kaniya dili malaglag kondili makabaton ug kinabuhing walay kataposan.”

            Efeso 1:7 Kay gilukat kita pinaagi sa dugo ni Cristo, sa ato pa, napasaylo na ang atong mga sala. Pagkadako gayod sa grasya sa Dios.

            Efeso 2:13 Apan karon nahiusa na kamo kang Cristo Jesus; Kamo nga kaniadto layo sa Dios, karon nahiduol na pinaagi sa dugo ni Cristo.

Lesson 3: Kaluwasan - Ang Kasulbaran

Translated by: Ptr. Dendo C. Bongcawel

ANG KASULBARAN:

Ang Sacripisyo sa Dios ug ang Pagsapal o Pagtubos niya kanato

Ang hustisya sa Dios nangayo ug sacripisyo nga halad alang sa sala sa tawo. Si Ginoong Jesu Cristo ang nahimong halad nga sacripisyo aron pagbayad sa silot sa sala didto sa cross.

Tungod kay ang Dios balaan, matarong, ug adunay hustisya, dili siya makatugot nga ang sala magapadayon nga walay pagsilot. Tungod kay siya mahigugmaon ug maloloy-on, wala siya makagusto nga ang tanang mga tawo mahimulag gikan kaniya hangtod sa hangtod. Ang Diosnon ug balaan nga kasulbaran alang niining maong problema mao si Ginoong Jesus, ang bugtong Anak sa Dios, aron mahimong halad sacripisyo alang sa sala.

Hebreo 9:26-28 …26 kay sa ingon mag-antos unta siya sa makadaghan sukad pa sa pagbuhat sa kalibotan. Karon nga naghinapos na ang tanang panahon, nagpakita siya sa makausa ug alang sa tanang panahon aron pagwagtang sa sala pinaagi sa paghalad sa iyang kaugalingon. 27 Ang tanan kinahanglan mamatay sa makausa ug tapos niana hukman siya sa Dios. 28 Gihalad usab si Cristo sa makausa aron pagwagtang sa mga sala sa daghang mga tawo. Mopakita siya sa ikaduhang higayon dili tungod sa sala kondili sa pagluwas kanila nga naghulat kaniya.

Unsa may husto ug tinud-anay nga nahitabo didto sa cross? Pinaagi sa iyang kamatayon didto sa cross, si Jesus iyang giako ug gisapal ang silot nga kamatayon sa cross alang kanato isip bayad sa atong mga sala. Iyang gibaylo ang iyang pagkamatarong alang sa atong mga sala. Iyang giangkon ang pagkatinunglo ug iyang gihatag dinhi kanato ang iyang panalangin. Tungod sa iyang balaan ug walay sala nga pagkinabuhi, si Jesus lamang ang nakapasar o nahimong kwalipikado aron maoy magbayad sa sala sa tawo ug nahimong taytayan aron pagpasig-uli sa relasyon sa Dios ug sa tawo.

2 Corinto 5:21 Walay sala si Cristo apan gipakamakasasala sa Dios aron kita, sa atong pagkahiusa, makabaton sa pagkamatarong sa Dios.

            Galacia 3:13 Apan gilukat kita ni Cristo gikan sa tunglo sa balaod pinaagi sa paghimo sa iyang kaugalingon nga tinunglo tungod kanato kay sumala sa giingon sa kasulatan, “Tinunglo sa Dios si bisan kinsa nga bitayon sa kahoy.”