Lesson 2: Kaluwasan- Ang babag sa kaluwasan

1                                         SALVATION

(Bag-ong sinugdanan)

                 2 Corinto 5:17 Kay bisan kinsa nga nahiusa kang Cristo, bag-o na siyang binuhat. Ang daan miagi na ug ang bag-o miabot na.

Usa ka bag-ong binuhat. Usa ka bag-ong sinugdanan. Tungod kay kitang tanan nangandoy sa pagsugod pag-usab, usa kini ka maayong balita alang kanato. Apan sa dili pa nato mahatagan ug importansya kining maayong balita, kinahanglan nga masabtan nato pag-ayo nganong kinahanglan nga magsugod kita pag-usa. Nganong gikinahanglan nato nga mahimo kitang bag-ong binuhat? Nganong gikinahanglan nato ang KALUWASAN?

ANG PROBLEMA O BABAG:

Nahilayo kita sa Dios tungod sa atong sala

Adunay dili masukod nga kalayo ang nagbulag sa Dios ug sa tawo. Ang hinungdan niining walay katapusang pagkabulag s adios ug sa tawo mao ang SALA.

Nakasulay ka naba sa pagbati nga layo ka sa Dios?  Nakasiguro ako nga kitang tanan nakasulay na niana. Ang pagbati nga layo sa Dios alang kanato ordinary lamang. Apan aduan usay uban nga makasinati gayod ug hilabihan ka dako nga pagkahimulag nga diin alang kanila gikinahanglan pa ang pagpamalandong sa hilabihang kalalom, gikinahanglan pa gayod nga makakat-on pag-ayo sa ilang relihiyon, o gikinahanglan usab ang pag-adto sa ilang nga relihiyosong ampoanan nga dapit aron ilang mabati nga sila duol sa Dios. Apan tungod ka yang atong pagkahimulag sa Dios dili usa ka lawsnon nga kahimtang(physical) o diha ba lamang sa atong mga hunahauna nga kahimtang(intellectual), mao nga dili gayod mahimo nga ang pagpamalandong o ang kahibalo magdala kanato paduol ngadto sa Dios. Unsa may nahimong hinungdan sa pagkabulag sa Dios ug sa tawo.

            Isaias 59:1,2 Ang kamot sa Ginoo dili mubo nga dili siya makaluwas, ug dili usab bungol ang iyang dalungan nga dili siya makadungog. Ang inyo hinuong kalapasan maoy nag-ulang kaninyo ug sa inyong Dios. Ang inyong sala maoy hinungdan sa iyang pagpahilayo kaninyo aron dili siya makadungog kaninyo.

Moralidad nga hinungdan ang panagbulag sa Dios ug sa tawo. Ang Dios balaan; apan ang tawo dili balaan. Ang Dios maayo; apan ang tawo dili maayo. Ang Dios hustisya; apan ang tawo dili. Ang tanang mga tawo nakasala; busa ang tanan nahimulag gikan sa Dios hangtod sa walay katapusan. Ang tanan mag-antos gayod sa silot sa sala nga mao ang kamatayon nga dayon.

            Roma 3:23 … ang tanan nakasala ug nawad-an sa himaya sa Dios…

            Roma 6:23 Ang bayad sa sala mao ang kamatayon, apan ang libre nga gasa sa Dios mao ang kinabuhi nga walay katapusan nga anaa kang Cristo Jesus nga atong Ginoo.

Translated by: Ptr. Dendo C. Bongcawel

Lesson 1: Getting Started: Unsaon Pagsugod

ONE 2 ONE

(Bisaya translated version)

Translated to bisaya by: Ptr. Dendo C. Bongcawel

UNSAON PAGSUGOD

Marcos 1:17 – Unya miingon si Jesus kanila, “Kuyog kamo kanako ug tudloan ko kamo sa pagpanagat ug mga tawo.”

Kining lima (5) ka ang-ang, maoy maggiya kanimo sa hustong pagsugod, ingon nga mosunod ni Cristo.

Stop – hunong na sa pagsalig sa imong kaugalingon ug lakip na sa imong pagasalig sa kaugalingong mga maayong buhat, ug sugod sa pagsalig o pagsandig diha kang Cristo Jesus lamang kabahin sa kaluwasan.

               Efeso 2:8-Kay pinaagi sa pagtuo naluwas kamo, tungod sa grasya sa Dios. Dili kini inyong buhat kondili gasa sa Dios.

                    Efeso 2:9- Busa walay makapasigarbo niini sanglit dili man kini bunga sa inyong mga paningkamot.

Turn away -  palayo gikan sa tanang matang sa sala nga gisulti sa bibliya.                                                                                  

                    2 Timoteo 2:19 – Apan ang lig-on nga sukaranan nga gipahimutang sa Dios dili gayod matarog ug niini nahisulat kining mga pulonga: “nakaila ang Ginoo sa mga iya” ug “Ang tanan nga nagsangpit sa ngalan sa Ginoo kinihanglan dili na magbuhat ug daotan.”

Attend- kinahanglan moatender o motambong ka ug mga dyotayng grupo nga nagapanudlo unsaon mahimong disipolo sa Ginoo ug motambong ka usab sa panimbahon matag Dominggo.

                    Hebreo 10: 24- Magdinasigay kita sa pagpakita sa gugma ug sa pagbuhat ug maayo.

                    Hebreo 10:25- Dili nato undangon ang batasan sa panagtigum sama sa gibuhat sa uban. Magdasigay hinuon kita labina kay nasayod kamo nga hapit na moabot ang Adlaw sa pagbalik sa Ginoo.

Read and obey your Bible everyday – Basaha matag adlaw ang biblia ug tuohi o sunda ang nahisulat niini.

               Joshua 1:8 – Ayaw gayod kalimti ang basahon sa balaod. Kinahanglan nga tun-an mo kini adlaw ug gabii ug pagkinabuhi sumala sa tanang nahasulat niini ug magmauswagon ka.

Tell others – Sultihi ang uban mahitungod sa imong bag-ong relasyon diha ni Cristo Jesus.

                  Mark 5:19 – Apan wala motugot si Jesus ug miingon hinuon, “Pauli sa imong panimalay ug sultihi sila unsa kadako ang nahimo sa Ginoo kanimo ug unsa siya ka-maluluy-on  kanimo.”

                 Mark 5:20 – Busa ang tawo milakaw ug miadto sa Decapolis ug nanugilon mahitungod sa mga butang nga nahimo ni Jesus kaniya. Ug nahibulong pag-ayo ang tanan nga nakabati niini.

Note: There are 28 more lessons to follow for publication here;

God bless you all for following this tested and effective one2one discipleship training guide that will miraculously will change your life!